قالوا: الجارديان: العرب يرفضون أن يكونوا “بقرة حلوب”
قلنا: بلا عندنا صبر بعارين وقلوب دجاج .. أعتقد يكفونا
قالوا: طريق ذو 3 مسارات بالعاصمة لاستيعاب القطار الكهربائي
قلنا: الله يرحم حالكم تكاليف وشق شوارع وزحمة وأخرتها خط البلدة يشتغل إلى الحين, إلا سؤال
بس من اللي بيركب هالقطارات .. أكيد الحريم عشان ما يسوقون .. سياسة!
قالوا: الامارات تقرر تعين متحدث رسمي للحكومة وإنشاء مكتب اتصال
قلنا: بس بالله أول بيان للمتحدث الرسمي أبيه يتحدث عن موضوع الشيخ عيسى بن زايد .. أبو الامتحان الصعب يا شيخ
قالوا: 45%من الأطفال السعوديين يتعرضون للإيذاء بشكل يومي
قلنا: هذي عاد صادقين فيها وأنا أول شاهد ملك على عمليات التعذيب الأسري الراس مليان فلعات والعقال مشقق ظهري ولا تهون الزبيرية اللي تدل الدرب كنها صواريخ توماهوك
قالوا: بعد أن كان الحد الأدنى 100 ريال .. البنوك تسمح بسحب 50 ريال من أجهزة الصرف الآلي
قلنا: والله يا أبو سياري كني أشوفها السنة الجاية الأجهزة بتصير تطلع هلل كن الواحد في كازينو في لاس فيجاس موب يسحب فلوس .. بس أحلى شي الوضع مطمئن
قالوا: شرطة لرصد جرائم الانترنت بالمملكة
قلنا: أجل بنصير نسمع في غرف الشات (أبك وقف يا راعي الماكنتوش الكحلي – وإلا حرك يا راعي اللاشت بي HP الرصاصي)
قالوا: انطلاق مسابقة ملكة جمال الأغنام “النجدية” بالرياض
قلنا: ملكة جمال العنز الشامي وملكة جمال الغنم النجدي ليه العنصرية, يا أخوان أرجو مراعاة شعور السواكني والبربري السوداني وعقبال ملكة جمال الضبان.
قالوا: طاف بلدان أوروبية لنفس السبب .. عمر نجل بن لادن يطلب اللجوء إلى أسبانيا
قلنا: هذا اللي من جد حايس نفسه .. قصته كنها الجزء الثاني من مسلسل أصابع الزمن
قالوا: بدء تدريس منهج “حقوق الإنسان” بجامعة الملك سعود
قلنا: الحين أنتو درسوا طلابكم حقوقهم الطلابية أول وبعدين علموهم حقوق الإنسان, أما حقوق الإنسان فأقترح تعلمونها وتدرسونها للدكاترة المعقدين نفسياً.
قالوا: نور الشريف يجسد شخصية حسن نصر الله في مسلسل تلفزيوني
قلنا: آه ومالوه تعمل نصرالله تعمل ملوخية أهي حاجة بتجيب فلوس وخلاص, بس الله يعينه على اللدغة.
قالوا: الإعلام العربي اهتمام غير مسبوق بالانتخابات الأمريكية أملا “بالتغيير”
قلنا: يذكرني هالخبر بالمرحوم حسني البورازان إذا قال اذا أردت أن تعرف ماذا في البرازيل فعليك أن تعرف ماذا في ايطاليا.
جاري التحميل ...
I just want to say I’m newbie to blogging and site-building and certainly enjoyed this web page. Most likely I’m want to bookmark your blog . You absolutely come with excellent articles and reviews. Many thanks for sharing with us your web-site.
هههههههههه ..
عجبتني بصراحة ..
ههههههههههههههههههه أما صفط يمين ياراعي الماكنتوش
طريق ذو 3 مسارات بالعاصمة لاستيعاب القطار الكهربائي
هذا وجهي إذا ما خلصوه الا بعد 20 سنة.
45%من الأطفال السعوديين يتعرضون للإيذاء بشكل يومي
طيب وإللي يتعرضون للإيذاء عموما أظن 80%
كني أشوفها السنة الجاية الأجهزة بتصير تطلع هلل كن الواحد في كازينو
لووول ترادفها ضحكة تعقبها تنهيده(قهر على الحال)
شرطة لرصد جرائم الانترنت بالمملكة
إنتوا أمسكوا الحرامية أول .. كل ما جاكم بلاغ .. تعرفه؟ أجل جيبه لنا
انطلاق مسابقة ملكة جمال الأغنام “النجدية” بالرياض
إننا نعود لعصر الجاهلية ببطء يا أخوان
أصابع الزمن…
أصابع الزمن حتة وحدة .. ترى كنت صغيره ما اخبر هذي الأشياء
فأقترح تعلمونها وتدرسونها للدكاترة المعقدين نفسياً
أضم صوتي إلى صوته وأجيب مكرفون الملاعب كمان <<< ماأعرف إسمه
الإعلام العربي اهتمام غير مسبوق بالانتخابات الأمريكية أملا “بالتغيير”
دخلوا جو مع التغيير .. لا ما بقي إلا يحاشروا الأمريكان في التصويت .. مساكين حسوا بالحرية والديمقراطية .. بيتغيروا على الريحة هع
أسعد الله مساك أستاذ ياسر ..